தொலைதூரத்தில்
எங்கோ மெல்லிசையாய் கேட்கும்
பாடலின் வரிகளில்
என்னையே மறந்து
என்னை நான் தொலைத்த அந்த கணம்,
மனதில் முந்திக்கொண்டு தோன்றும் முகம் உனதானால்,
அது காதல்தான் என்றானால்,
எனக்கொன்றும் பிரச்சனை இல்லை
அது காதலாகவே இருக்கட்டுமே !!
எரிபொருள் தீர்ந்து போன இருசக்கர வாகனத்தை சற்று தரையோடு சாய்த்து வைத்தால் எஞ்சிய தூரத்தை கடந்துவிடலாம் என்று முயற்சிப்பதை போல, அவள் குரல் சேமித்த கைபேசியை காதோடு சாய்த்து வைத்து அவள் இல்லாத இந்நேரத்தை அக்குரல் கேட்டு கடந்திட முயற்சிக்கிறான் இங்கே ஒருவன்!!
கருத்துகள்
கருத்துரையிடுக