உன்னைத் தவிர!!

பிடித்த பாடல் எதுவென்று கேட்டால் சற்றும் யோசிக்காமல் சொல்கிறேன் உனக்கு பிடித்த பாடலொன்றை!

பிடித்த நிறமென்றால் அதுவும் நீ பிடித்ததாய் சொன்ன நிறமே!

உனக்கு பிடித்த உணவே பிறகு எனக்கும் பிடித்ததாயிற்று!

நீ வாழ விரும்பிய நகரத்தில் எனக்கு வாழ பிடித்திருக்கிறது இப்போது!

இப்படி உனக்கு பிடித்தவையெல்லாம் எனக்கும் பிடித்தவையாகிப் போயின எனக்கே தெரியாமல்..

எனக்கு பிடித்தவையென்று உண்மையில் எதுவுமே இருந்ததில்லை உன்னை தவிர!!‍